陳凱詠澄清赴美進修與雙失無關 Jace揭與環球唱片合約糾紛內情 – 香港經濟日報 – TOPick – 娛樂

[ad_1]

今日(12月24日)下午商業一台的《星光背後》,主持人梁泰來邀得陳凱詠(Jace)任嘉賓。去年與環球唱片爆出合約糾紛,導致上位在望突然事業冰封1年的陳凱詠 ,期間又飽歷分手,使她走入人生低谷。

最近,Jace轉做獨立歌手,自資推出迷你數碼專輯《Hatching》。她在節目剖白拒簽唱片公司選擇自資6位數出碟的心路歷程,亦詳述先後與舊公司與男友「分手」因由與感受。

MOOV Live|讚馮允謙既溫柔又瘋狂 陳凱詠沉澱過後享受當下


陳凱詠接受《星光背後》主持人梁泰來(左)訪問。

決定兵行險着

Jace約滿前,傳過有不少大唱片公司向她招手,節目中,她承應有接洽,但未談及細節條件已決定兵行險着:「首先因為自己真係好任性,一開頭唔知自己想點,但我想自己經歷同學習。」

她亦表示,不是因條件不好而拒絕大唱片公司招手:「唔係條件問題,係我要諗清楚要行一條點樣嘅路?同做一個咩人!係呢段時間,我想經歷同學習落手落腳自己製作去成長。」

並非單一原因

Jace明白有唱片公司會有不同團隊幫助,但她對自己另有想法:「事業唔係我嘅所有,唔需要用搵到幾多錢去界定,出這專輯我學到好多,有很多文書處理我頭都痛埋,但辛苦捱過後,見到自己學習到會很有成功感,代表我成長咗,就算最終我損手爛腳,我都願意去承受。」
 
被問到去年跟娘家鬧翻主因,Jace表示:「真的不是單一個實質原因,其實只係合作期間大家理念唔同,所以就分開就係咁簡單。」外界傳她不肯續約,Jace指:「又唔係咁樣嘅,其實中間好混沌,當中大家溝通上有誤會,其實我自己都講唔出最後點解會咁。」

對於舊公司一度對她高調發聲明的感受:「聲明出街前已經知道,不過都震驚,我都記得個時見到聲明出街後,我係唔知點算好,但我又無好嬲,因為知道係商業決定。」

與男友3年情完

被雪藏後,Jace曾感到迷茫:「我好清楚自己仲想繼續係呢行,仲好想繼續努力,做唔同嘅嘢,但當時唔知可以點去做,要畀自己時間慢慢去疏理,因為我都有好多時間去思考。」
 
冰封期間Jace曾赴美國3個月學跳舞,談她接受訪問雙失,同時與導演男友結束3年情,她指分手與赴美無關:「雜誌寫的資料很多都錯!分手都唔係特別有一個原因而導致,當中都牽涉多個原因,同舊公司一樣,可以是理念不一,各自有自己的路要走。」

被問到分開後的感受:「始終有投放時間同感情落去段關係,分開時總會有不同情緒,但到頭來呢啲事都係會過去。」

雖然Jace曾為分開而不快,但坦言現至今仍不恨拍拖:「感情生活從來都唔係我第一位,我亦唔係好浪漫好有憧憬個種女仔,我比較獨來獨往,況且拍拖要睇緣份。」

[ad_2]

Source link

Leave a Comment

Your email address will not be published. Required fields are marked *

Scroll to Top