新聞女王丨陳山聰拍攝此角超大壓力 認在角色找回演員初心:真係好爽 – 香港經濟日報 – TOPick – 娛樂

[ad_1]

TVB台慶劇《新聞女王》演員佘詩曼、馬國明、高海寧、王敏奕、何依婷、陳山聰、鄧智堅、譚俊彥、吳業坤、龔慈恩、何廣沛、林正峰,以及監製鍾澍佳、監製關文深,在冬至(12月22日)到澳門出席《新聞女王結局夜—女王終極直播》,齊睇追看大結局。

新聞女王丨曾志偉講明希望阿佘奪最佳女主角 佘詩曼謙稱沒信心第3度封視后

新聞女王丨角色大挑戰

談到今次飾演這個輕度弱智爸爸相當有難度,山聰接受TOPick訪問表示沒有想過會演這類的角色:「當我知道阿佘返嚟拍《新聞女王》時,我已經聯絡咗佢,仲同佢講我一定要嚟客串,就算過鏡都可以,只要可以同阿佘做對手戲就得。初頭我以為着西裝好型仔喺新聞部拍,點知鍾澍佳監製知我好有興趣去拍嘅時候,就搵我講咗我角色,當時我個心都嚇一嚇,都好大壓力,因為大家見得太多我係做打戲或者型仔啲嘅角色,所以之後我搵咗自己嘅戲劇老師一齊好認真研究呢個角色。」

他續說:「每一個演員能夠攞到一個咁特別嘅角色,一定要演好佢,同埋我係自薦話拍,加上仲係阿佘事隔咁多年返嚟拍劇,我一定唔可以做得衰,要做得更好。」


陳山聰演這個度弱智爸爸非常出色。(陳慧安 攝)

新聞女王丨找回演員初心

山聰再說:「拍攝那3天係好辛苦,但真係好爽,搵番一個演員嘅初心,當年自己由客串一場戲開始演,之後好想再演多啲戲份,呢幾年大家見我做好多唔同劇集,但我都好耐冇試過喺咁集中同短時間要演一個咁多情緒嘅角色。」

他直言這今次演出不容易:「真係好難演,我由朝早6點鐘起身已經培養情緒,第二日拍喊戲,我係喊咗成日,攰到不得了。(好耐未試過咁崩潰?)真係好崩潰,但好爽,拍攝完成後我都有攬住阿佘,佢都有同我講『辛苦晒』!但見到觀眾咁喜歡我角色,覺得辛苦係值得。」


陳山聰好開心同阿佘再合作。(陳慧安 攝)

新聞女王丨望與阿佘再合作

此外,問到今次與阿佘短短合作會否覺得不夠喉。

他笑說:「梗係唔夠喉,如果再開續集唔係唔預我,今次我唔會再客串,我同阿佘真係識於微時,佢離開TVB嘅時候演技已經係好勁,依家簡直係巔峰,所以今次我哋再合作,希望觀眾喜歡。」

新聞女王丨入圍十強十分開心

另外,提到他份入圍「最佳男主角」和「最佳男配角」十強,對此山聰說:「雖然上年已經拎咗個大獎,今年我都唔寄望可以再拎視帝,但今次兩項提名都入到十強都已經好開心。(有冇信心拎「最佳劇集」獎?)我對《隱形戰隊》同《新聞女王》都好有信心,應該係呢兩套劇之爭。」

記者:陳曉柔

最新影片推介:李施嬅專訪

[ad_2]

Source link

Leave a Comment

Your email address will not be published. Required fields are marked *

Scroll to Top